КОВИД-19: Македонија на европскиот врв според смртноста од корона вирусот

Македонија и натаму го држи европскиот врв според смртноста која ја предизвикува коронавирусот. Според последните податоци, во цела Европа само Црна Гора која има нешто повеќе од 600.000 жители и двајца починати вчера имала полоша статистика од Македонија. Во оваа земја вчера биле регистрирани нешто над 3 жртви на милион жители. Втора во Европа е Македонија со 2,5 починати на милион жители по следи Романија со нешто помалку од двајца. 

Земјава е во топ 10 во Европа и според вкупниот број на починати на милион жители од почетокот на кризата. Најлоша е сликата во Белгија каде од март до сега починале близу 10.000 луѓе што е 857 жртви на милион жители. Македонија се наоѓа на деветтата позиција со вкупно 544 жртви или 261 починат на милион жители. 

Намалениот број на тестови во текот на вчерашниот ден го спушти бројот на нови случаи под 100, но она што е позитивно е намалувањето на вирулентноста односно фактот дека помалку од 10% од спроведените тестови дале позитивен резултат. Од почетокот на пандемијата Министерството за здравство спровело вкупно над 120.000 тестови од кои секој десетти бил позитивен.

Александар Спасовски