Ковачевски: Состојбата со учебниците е значително подобрена во однос на минатите години
Оваа година состојбата со учебниците е значително подобрена во однос на минатите години и во делот на издавањето и во делот на дистрибуција на книгите до учениците, посочи денеска премиерот Димитар Ковачевски.
Тој потврди дека во најголем дел учебниците веќе се испечатени и однесени во училиштата. Се она што не е довршено ќе се заврши во најкраток можен рок.
-Книгите веќе се доставуваат за сите одделенија во училиштата, меѓутоа има некои учебници за кои што дел од материјалите не се одобрени или дел не беа завршени од самите автори, а дел не ја поминаа рецензијата, бидејќи не може министерот да седне и да го напише учебникот, да го одобри. Тоа го прави автор, рецензентска комисија и на крајот учебникот се дава во издавачкиот дел и се печати. Во најголем дел учебниците веќе се испечатени и однесени се во училиштата, рече Ковачевски, по пуштање во употреба на нов објект во детска градинка во Карпош 3 во одговор на новинарско прашање.
Како што напомена, се она што не е довршено како резултат на пишувањето, а не како резултат на организација на принтањето и печатењето на учебниците, ќе се заврши во најкраток можен рок.
Во меѓувреме, посочи, постојат наставно-научни материјали кои наставниците ќе можат да ги користат.
-Во меѓувреме ќе има наставно-научни материјали кои што наставниците ќе можат да ги користат. Тие не се на ниво на комплетна книга, меѓутоа во тој краток временски период ќе можат да бидат употребени во наставата. Сепак, состојбата денес е многу подобра во однос на минатите години. Процесот на рецензија и на проверка на книгите е многу построг, бидејќи сигурно дека не сакаме да има книги во кои што се вели дека Бугарија е на запад, а Албанија е на исток. Тоа нема да се повторува, рече премиерот
Ново на Сител
-
Реал Мадрид е највредниот фудбалски клуб во светот
-
Вардар прв финалист во ракометниот Куп на Македонија
-
Неизвесен победникот на претседателските избори во Полска
-
Нормализиран сообраќајот на делницата Демир Капија – Смоквица
-
33-годишна жена загина, а шест лица се повредени во сообраќајка на автопатот Тетово-Гостивар
-
Во Појасот Газа за еден ден загинаа најмалку 60 луѓе, а 284 се повредени
-
Коњановски ја посети локацијата каде падна кран на градежен објект во Битола
-
ОЈО поведе постапка против скопјанец за семејно насилство кон партнерката и нејзината мајка