Ковачевски: Парламентот мора да работи, пратениците мора да бидат на висина на својата задача

Во вечерашното гостување во Тема на денотво Дневникот на Сител, премиерот Димитар Ковачевски рече дека парламентот мора да работи, јас затоа и од првиот ден ги повикав сите пратеници да бидат на висина на својата задача.

„Парламентот има мнозинство кое што е од 64 пратеници и нормално дека на пратениците од опозицијата им е дадено правото да дискутираат и врз основа на тие дискусии, доколку тие се издржани, нормално, она што е кажано да биде прифатено. Собранието треба да биде место кое што ќе биде дом на демократијата, кое што ќе се искорсити за унапредување на се она што доаѓа таму од извештаи, од закони и т.н меѓутоа собранието не треба да биде место кое што е место за блокади, бојкоти, а исто така во минатото собранието од истата таа опозиција која што тогаш беше власт беше користено и за насилство.“ рече Ковачевски.