Фудбал
16. February 2019 - 10:10

Ковач по пресвртот против Аугсбург: Покажавме карактер

Тренерот на Баерн Минхен, Нико Ковач, загуби многу нерви за време на натпреварот против Аугсбург, добиен од неговиот тим со 3:2. Тимот од Минхен двапати заостануваа во резултатот, но си заминаа со три бода.

– Лошо влеговме во натпреварот. Не можам ни да се сетам кога последен пат тимот толку рано примил гол. Тоа беше навистина непријатно. Но потоа покажавме борбен карактер, а во второто полувреме го контролиравме натпреварот. Нашата победа е заслужена. Можеби некои од играчите веќе размислувале за натпреварот со Ливерпул. Ова не е добро, но е разбирливо, изјави хрватскиот стратег

По успехот синоќа, Баварците собраа 48 поени и се втори во Бундеслигата по Борусија Дортмунд. Разликата помеѓу двата тима е 2 бода.

Денес Борусија оди во посета на Нирнберг.