Копа Америка: Петарда за Перу
Фудбалската репрезентацијата на Бразил во висок стил се пласираше во четвртфиналето на Копа Америка 2019 откако предмалку со високи 5-0 славеше во мечот од третото коло од групната фаза против селекцијата на Перу.
„Кариоките“ се чини победникот го решија уште во првото полувреме кое го добија со резултат 3-0.
Касемиро постигна погодок со глава во 12 минута за отворање на резултатот. Играчот на Ливерпул, Роберто Фирмињо во 19 минута искористи еден подарок од голманот на Перу и ја дуплираше предноста на својата репрезентација. Се чини прашањето на победникот беше решено уште во 32 минута кога Евертон погоди во долниот десен агол за убедливи 3-0.
Во вториот дел Дани Алвеш прецизно стрелаше за 4-0 во 53. минута од мечот, а нововлезениот Вилијан, со маестрален удар од 16 метри во 90 минута ги постави конечните 5-0.
Вредно е да се спомене дека во 93 минута голгетерот на „Кариоките“, Габриел Хесус не искористи удар од белата точка, голманот на Перу му го одбрани ударот.
Бразил групата А ја заврши со две победи и еден нерешен резултат, па сега во четвртфиналето противник ќе му биде третопласираниот во групите Б или Ц.
Како второпласирана репрезентација од групата А во четвртфиналето пласман обезбеди селекцијата на Венецуела која вечерва со 3-1 славеше против Боливија. Ова е историски успех за Венецуела со пласманот во четвртфиналето на Копа Америка.
Стрелци на головите за победничкиот тим беа Мачис во 2 и во 55 минута и Мартинез во 86 минута, додека почесниот погодок за Боливија беше дело на Јустинијано во 82 минута.
Ново на Сител
-
Питомци и офицери од Воената академија се затруле со храна?
-
Гостиварска апелација го врати на повторно судење предметот на АА
-
Објавени резултатите од конкурсот {ЗАЕДНО} едни за други: dm издвојува речиси 2.5 милиони денари за проекти посветени на женското здравје
-
Петок 13 - што е параскевидекатриафобија?
-
Избегнат судар на два авиона над Скопје, започната истрага
-
Денес ќе биде познато дали ќе се замрзнат цените или ќе се ограничат маржите
-
Давкова на прва средба со Радев
-
Две лица загинаа во сообраќајка на магистралата Гостивар - Кичево