Конференција на МаСВА за користење на отпадот како инвестициска можност

Македонската асоцијација за управување со цврст отпад - МаСВА денеска ќе одржи Годишна конференција на тема „Користење на отпадот како инвестициска можност во Македонија“.

На отворањето на конференцијата ќе се обрати министерот за животна средина и просторно планирање Нурхан Изаири.

Предвидено е на  форумот да се одржат три презентации на кои ќе говорат интернационални и домашни екперти, како и претставници на компании во доменот за управување со отпад.

МаСВА е невладина и непрофитна организација, чија цел е промовирање на одржлив развој и реализација на одржливото управување со отпадот во Македонија.  МаСВА е полноправен член и претставник на Македонија во Меѓународната организација за цврст отпад ИСВА.