Концерт „Бела виолина“ на „Културно лето Новаци 2016“

Културното лето „Новаци 2016“ продолжува со целовечерниот коцерт „Бела виолина“ што ќе го изведат Пламенка Трајковска во придружба на Злата Тошевска, Горјана Стојановска и Марко Димовски.

Од прес-центарот на „Културно лето Новаци 2016“ информираат дека концерот ќе се одржи во новоотворениот културен центар на општината, а според програмата превидени се и други културни настани.

- За вечерашниот концерт на виолинистката Пламенка Трајковска во општина Новаци владее голем интерес, а со нетрпение се очекуваат и другите програмски содржини од новачкото културно лето. На 26 и 27 јули ќе организираме посебни настани во селата Агларци и Гермијан, на 28 јули закажавме стенд-ап комедија со театарот „Дел-арте“, а во пресрет на големиот државен и верски празник во селото Граешница ќе организираме етно-илинденски концерт, посочи Елизабета Јончиќ, координатор на „Културно лето Новаци 2016“.

Манифестацијата „Културно лето Новаци 2016“ завршува на 26 август со концерт на македонската етно група „Синтезис“.