Компаниите размислуваат за замена на „ви-фи“ со „5Г“
Многу компании во Германија сериозно размислуваат за варијантата да ја заменат својата внатрешна „ви-фи“ инфраструктура со затворени „5Г“ мрежи, соопшти „MИT Технолоџи Ривју“.
Меѓу нив е и автомобилскиот гигант „Ауди“, кој веќе тестира такво решение за управување на роботи. Ако тестовите бидат успешни, „Ауди“ најверојатно ќе ги замени сите свои постоечки „ви-фи“ решенија со „5Г“. Други производители на автомобили како „БМВ“, „Дајмлер“ и „Фолксваген“ исто така пројавуваат сериозен интерес за новите можности.
Според „MИT Технолоџи Ривју“ такви проекти имаат и голем број на компании од други индустрии, а во Германија има дури национална иницијатива наречена „Индустри 4.0“, која треба да стимулира слични решенија. Доаѓањето на приватните „5Г“ мрежи пак ќе обезбеди бум за производителите на комуникациска опрема и компаниите кои управуваат со слични мрежи.
Според истражувањето, пазарот за такви услуги ќе генерира 365 милијарди долари во текот на следните 10 години. На краток рок, најголемо ограничување за помалите компании ќе бидат трошоците за изградба и одржување. Друг потенцијален проблем е недостигот на доволно слободни фреквенции за приватните мрежи, што би можело да им направи проблеми и на најголемите компании.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка