Комората на извршители одбележува 10-годишен јубилеј

Комората на извршители на Република Македонија одбележува 10 години од своето основање. По тој повод денеска во Музејот на Македонската борба во Скопје ќе се одржи свечена академија.

Во рамки на јубилејот, утре ќе се одржи меѓународна конференција на тема „Актуелни правни ризици и предизвици во извршувањето“.

Пред учесниците на конференцијата ќе говори претседателот на Меѓународната унија на судски извршители Франсоа Андро на тема „Глобалниот кодекс за извршување“. Државниот советник во Министерство за правда, Радица Лазаревска Героска ќе зборува за „Прирачник/Водич за/кон добри практики во извршувањето ЦЕПЕЖ“, додека за „Клучните измени во новиот Закон за извршување“ ќе говори проф. д-р Арсен Јаневски од Правниот факултет „Јустинијан Први“.

Според програмата за „Актуелни правни ризици и предизвици во извршувањето“ свои излагања ќе имаат претседателите на коморите на извршители на Србија Александра Трешњев, на Албанија Теди Малавеци и на Црна Гора, Иван Петровиќ.