Колку чини годинава традиционалната бадниковата трпеза по низата поскапувања на основните прехранбени производи

Посна трпеза, мрсни цени за Бадниковата вечер. Се меси или купува лебче или пита со паричка, риба, гравче, посни сарми, маслинки, урми, ореви, костени,  овошје.  

Според обичаите - богатата трпеза значи плодна, богата година. Но како граѓаните ги поднесуваат галопирачките цени на основните прехранбени продукти во споредба со ланските?

– Ќе биде поскромно, секако. Скапо е, ете риба мора да има, грав е 300 денари, вино 500, тиква мора да има, околу 4.000, 5.000 денари ќе ме фати сигурно, вели граѓанин.

-Тешко дека ќе стигне 1.000 да се купи се, мора да има посно, ореви, тиква, лешници. Скапо е, затоа трпезата ќе биде поскромна од лани, вели друг граѓанин.

-Испазарив се, цените се високи, оваа година малку поскромно. 

Граѓаните согласни – скапо е, но традицијата мора да се почитува. Сител пресмета, колку ќе го чини едно 4 члено семејство скромна традиционална бадниковата трпеза?

-Килограм грав 300 денари. 

-Килограм ослич 200 денари. 

-Килограм посни сарми 300 денари

-Евтино црвено вино 250 денари

-Килограм мандардини 70 денари

И по некоја маслинка, урма, банана, тиква.. што значни најмалку 1.500 денари. Сепак, секој купува според длабочината на џебот. 

-Важно да сме живи и здрави и убаво да си поминеме. Е сега, некој поскромно, некој поопуштено. Еве најскромно, за сите празници рачунав околу 10.000 денари дека ќе ме чини.. И тоа најскормно, вели друг граѓанин.

Утре е Божиќ. На трпезата се служи мрсна храна – се пече месо, се прават салати, кифли и нешто благо. Колку ќе треба да издвои просечниот Македонец без да се задолжи – ќе дознаат на крајот на месецот. Не случајно се вели јануари е најтешкиот и најдолгиот месец во годината.