Коледарска литија првпат во Преспа
Околу 150 деца од основните училишта и детската градинка во Ресен со импровизираната пештера во која се родил Исус Христус денеска продефилираа низ градските улици, пеејќи ја свечената коледарска песна „Вечниот Бог“ со што првпат во Преспа се одржа свечена коледарска литија.
Настанот се одржа под покровителство на градоначалникот Ѓоко Стрезовски и неговото семејство, а во организација на Општина Ресен и ресенското архиерејско намесништво на Македонската православна црква.
Градоначалникот Стрезовски на учесниците во литијата им подари коледарски пакетчиња, а беше организирана и посна коледарска трпеза.
- Очекувам дека овој настан ќе прерасне во традиционален. Општината секогаш излегува во прсрет за вакви манифестации, изјави Стрезовски.
Отец Михаил Матвеев во име на Ресенското архиерејско Намесништво исто така изрази надеж дека свечената литија ќе прерасне во традиција во Преспа.
Пред литијата во црквата „Свети Ѓорѓи“ се одржа свечена боженствена литургија.
Ново на Сител
-
Меморандум за соработка потпишаа директорот на АД ЕСМ и деканот на ФИНКИ
-
Продолжен рокот за пријавување на јавниот повик за ангажирање 400 пожарникари
-
МОН: Студентските домови етапно се реконструираат, студентскиот стандард значително се подобрува
-
Приведен 44-годишен кумановец, се заканувал на полициски службеници и носел остар предмет
-
65-годишна жена измамена преку социјална мрежа за сума од 6.700 евра
-
До крајот на месецов треба да биде познато какви мерки би се донеле за зголемувањето на цените
-
68-годишник од Скопје измамен од женско лице за сума од 48.875 денари
-
Кривична против 49-годишник од Дебар, физички нападнал адвокат во судница