Кој одлучува на што треба да се трошат државните пари - има за службени возила, но не и за противпожарни

Наместо да се обновува владиниот возен парк, државата двата милиони евра требаше да ги потроши за да купи нови амбулантни и противпожарни возила. Од центарот за граѓански комуникации посочија дека и Ковид кризата и пожарите, не само овој во Кочани туку и оние во изминатите  години точно ги покажале недостатоците  во земјава.  велат иако  иако постојано се алармира на рационално  трошење на  буџетските пари,  досега ништо не е променето.  

Од владата не ни одговорија дали новата набавка на автомобили е неопходна во моментов, само посочија дека ваквиот начин на обезбедување автомобили е најповолен.

Претходниот тригодишен договор за оперативен лизинг завршува во октомври 2021.

Укажуваме дека ваквиот начин на набавка е најповолното решение зашто, освен за гориво, нема никакво буџетско трошење во период на користење на возилата. Оперативниот лизинг покрива каско осигурување, сервис и резервни делови што со поинаков модел, би паднал на товар на државниот буџет, се вели во дописот од Влада.

Владата договори набавка на нови 45 лукзусни возила- марка Пасат.  Ќе се користени во следните три години, а според пресметките  само за едно возило за овој период ќе бидат потрошени речиси  40 илјади евра.  Во нив ќе се возат  министри и странски делегации. Во последните три години државата потрошила 8 милиони евра  за речиси 400 тини нови службени коли. Од друга страна пак противпожарни возила во земјава има вкупно 220,70 отсто од нив се  од  минатиот век, најстарото е од 1966 година. Земјава располага и со 183 амбулантни возила.