Коби Брајант и неговата ќерка загинаа во хеликоптерска несреќа
Еден од најголемите кошаркари и спортисти на сите времиња настрада во хеликоптерска несреќа, пренесуваат најпознатите светски медиуми. Големата ѕвезда на Лос Анџелес Лејкерс на летот бил со уште осум лица.
Сите надежи дека станува збор за лажна вест исчезнаа кога стигна потврда од полицијата во Лос Анџелес. За жал вечерва потврдено е дека во хелиоптерот со Коби била и неговата 13-годишна ќерка Џиана. Покрај нив, животот во несреќата го загубија и Кристина Маусер (тренер), Џон Алтобели (бејзбол-тренер), заедно со неговата сопруга Кери и неговата ќерка Алиса, член на академијата на Брајант.
Тие патувале на женски кошаркарски натпревар во млади категории на кои требало да играат Џана и нејзината другарка. Џиана Марија, која настрада во хеликоптерската несреќа, е втората најстара ќерка на Коби.
Синоќа во 23:00 часот беше одржана прес-конференција од американската полиција на која беа објавени повеќе детали од трагедијата која го потресе светот.
Смртта на еден од најдобрите кошаркари на сите времиња го потресе кошаркарскиот свет, а поранешниот НБА играч Амари Стадемајер веста ја дозна во текот на дебито за Макаби Тел Авив.
Поранешната НБА ѕвезда остана без зборови. Низ солзи само повторуваше дека не може да верува.
Иако постоеше можност поради смртта на Коби Брајант некои натпревари во НБА да бидат одложени тоа не се случи.
Трагичната смрт на легендарниот кошаркар ги погоди спортистите ширум светот, посебно оние на кои Коби им беше спортски идол.
Во текот на натпреварот помеѓу Денвер и Хјустон камерите снимија моменти кога на дел од играчите тешко им падна прераната смрт на поранешниот член на ЛА Лејкерс
Неверојатен е податокот дека токму синоќа еден од неговите најголемите пријатели, Леброн Џејмс го помина на листата на поентери во историјата на најсилната кошаркарска лига во светот. Последната порака на Коби за светот беше упатена токму кон Леброн.
„Продолжи да ја менуваш играта Кралу Џејмс. Голема почит за тебе пријателе 33 644“, напиша Коби на Твитер.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово