Климатските промени тема на првата сесија на Работната група за животна средина од НКЕУ-МК
„Климатски промени: Глобалните предизвици и националните можности“ е тема на првата сесија на Работната група 5 (Животна средина – Поглавје 27) од Националната конвенција за Европската Унија во Република Македонија (НКЕУ-МК), која ќе се одржи денеска во Скопје.
На сесијата, според организаторите, воведно обраќање ќе имаат министерот за животна средина и просторно планирање Насер Нуредини и претседателката на Европското движење на Македонија, проф. д-р Милева Ѓуровска, а ќе учествува и директорот на Одделението за активности на емисија од Директоратот за климатски промени при Министерството за животна средина на Словачка, Милан Звара, кој споделувајќи го своето искуство од овој процес, ќе укаже на виталните преговарачки прашања од Поглавјето 27.
– Првата сесија ќе биде посветена на климатските промени, имајќи го предвид зголемениот интерес за справување со оваа проблематика и во нашиот национален контекст, како држава – кандидатка за членство во ЕУ со обврска да го имплементира европското законодавство, политики и стратегии за градење на т.н. климатски отпорно општество со пониско ниво на јаглеродна емисија. Дел од обврските се однесуваат на известување за климатските промени, креирање оперативни климатски политики, унапредување на јавната свест за позитивните долгорочни резултати од климатските акции како што се енергетските заштеди, развојот на т.н. зелена економија, бенефити поврзани со здравјето), како и вклучување на јавноста во процесите на промените поврзани со климата и нивно вклучување во сите нивоа на образование, наведува Ѓуровска која е и координаторка на НКЕУ-МК.
На работната сесија ќе биде презентирана и експертска анализа како и препораки во областа на животната средина.
Ново на Сител
-
Обилните дождови предизвикаа свлечиште во Непал, загинаа најмалку 14 лица, девет се водат за исчезнати
-
Владина делегација на Самитот на НАТО во Вашингтон - јакнење на билатералните односи со САД и афирмирање на земјава како стабилен партнер
-
Симовски: Имаше јаки притисоци на Бугарија пред пописот во Албанија
-
МВР: Претреси на три локации во село Гајре, едно лице задржано на информативен разговор за убистото во Тетово
-
Борел: Орбан ја претставува само Унгарија, а не и ЕУ, на самитот на туркофонските земји во Азербејџан
-
Вулканот Етна исфрли лава и облак од пепел и чад висок околу пет километри
-
Демонстрации во Барселона против прекумерниот туризам
-
Жестоки борби во источна Украина, Русите напаѓаат се повеќе локации во Доњецк