Клима уреди за детското одделение во болницата во Кочани донираше бизнис секторот
Детското одделение во Општата болница со проширена надлежност во Кочани доби нови инвертер клима уреди што ги донираше компанијата „Амфенол технолоџи Македонија“.
Опремени се сите соби на одделението што располага со 20 легла и каде медицинска грижа добиваат најмладите не само од општина Кочани, туку и од соседните општини во источниот регион.
– Во рамки на одбележувањето на шестогодишнината од основањето на нашата компанија, менаџерскиот тим едногласно го прифати барањето од болницата за подобрување на условите на детското одделение. Клима уредите ќе можат да се користат и во летниот и во зимскиот период со што ќе се создадат попријатни можности за прстој во болничките соби, истакна Десанка Јованова од компанијата „Амфенол технолоџи Македонија“.
За половина година Општата болница добива втора поголема донација од локалниот бизнис сектор, откако во текот на летниот период Ротари клубот Кочани – Виница донираше 50 болнички кревети за одделенијата во здравствената установа.
Од болницата се заблагодарија за помошта и ги повикаа и останатите општествено одговорни компании да помогнат во подобрувањето на техничките услови, пред се во набавка на постелнина и облека за персоналот, како и друга медицинска опрема.
Ново на Сител
-
Претседателката Сиљановска Давкова ќе ги прими поглаварите и претставниците на верските заедници
-
Најмногу дожд наврнал во Крива Паланка, најстудено утрово во Крушево
-
Неексплодирани убојни средства од Првата светска војна пронајдени во прилепскиот регион
-
Екстрадиран Љупчо Палевски Палчо, пренесен во Истражниот затвор во Шутка
-
Претставници на Западен Балкан, ЕУ и САД во Котор ќе разговараат за планот за раст на регионот
-
Премиерот Фицо е во свесна состојба
-
Заседание на Воениот комитет на НАТО на ниво на началници на генералштабови
-
Втор ден Самит „Македонија 2025“ со панели за справување со корупцијата, странски инвестиции, дигитализација