Ќе се испитуваат крв и урина од возачот на камионот

Јавниот обвинител издаде наредба за обдукција на телото на починатите, сите патници во автомобилот, како и за испитување на примероци од крв и урина од возачот на камионот, соопштија по увидот на лице место на тешката сообраќајна несреќа на патот Прилеп-Битола во која утрово три лица го загубија животот, а едно е повредено од Основното јавно обвинителство Прилеп. 

Како што стои во соопштението, наредено е и сообраќајно-техничко вештачење за утврдување на причините.

Според првичните сознанија, до несреќата дошло при судар на патничко возило „тојота“ со прилепски регистарски ознаки и товорно возило „волво“ со скопски ознаки. Причините за несреќата се утврдуваат, додаваат од обвинителството.