Ќе се гради дрвениот мост во Струга
Со донација од приватна фирма ќе се прави дрвениот мост на реката Црн Дрим во центарот на Струга, информира денеска на прес-конференција градоначалникот на општина Струга, Зијадин Села.
Мостот, појасни ќе биде како постоечкиот, кој беше срушен од безбедносни причини пред пет години. Надворешните страни, истакна Села, ќе бидат метални и ќе бидат исти со страните на Мостот на Поезијата и на Чаршискиот, по нивната реконструкција. Подготвителните активности на терен, најави дека ќе почнат наредната недела, а дрвените делови веќе шест месеци се изработувале во Австрија.
Струшкиот градоначалник истакна дека почната е постапка и за уредување на шеталиштето, односно западниот брег на реката Црн Дрим и на двата кеја.
- Ќе имаме добро уредено централно подрачје. Лани го уредивме шеталиштето покрај кејот од едната страна на Дрим, а сега ќе се прави на другата страна. Презмемаме мерки да го уредиме и пропаднатиот дел од коритото на реката Црн Дрим, иако тоа не е наша надлежнпст. Имаме одговорност пред граѓаните и многу ни е важно да не настрада некој, рече Села.
Донаторот Менди Ќура истакна дека мостот ќе биде поставен до крајот на ноември, за што ќе бидат инвестирани околу 150.000 евра.
- Ќе интервенираме со железо на бочните страни од мостот да се синхронизира со другите два моста лево и десно. Ќе ја вратиме убавината што беше одземена пред пет години, изјави Ќура.
Ново на Сител
-
МТСП: Понеделник неработен за граѓаните од католичка вероисповед
-
Се уште нема трага од двегодишната Данка, потрагата продолжува
-
Индустриското производство во февруари зголемено за 0,3 отсто
-
ДЗС: Струјата во второто полугодие лани поскапела за 8,2 отсто
-
СДСМ: Нема ништо ново во понудата на ВМРО-ДПМНЕ
-
И Италија ќе го чува македонското небо
-
Објавен конкурсот за уписи во средно училиште
-
Битолчанка пронашла граната додека копала нива