Ќе биде распишана меѓународна потерница по Љупчо Палевски Палчо
Организатор и реализатор на убиството на 14-годишната Вања Ѓорчевска од Скопје и 74-годишниот Панче Жежовски од Велес е Љупчо Палевски – Палчо кој во моментов е во бегство, а денеска на прес-конференцијата министерот за внатрешни работи Оливер Спасовски и јавниот обвинител Гаврил Бубевски низ новинарските прашања за вмешаноста на Палчо, не го посочија конкретно со име и презиме, но одговараа на прашањата на кои изрично беше посочено неговото име како првоосомничен во грозоморните дела.
Како што информираше министерот за внатрешни работи Спасовски, лицето е заминато од државата со возило заедно со неговиот адвокат во Белград, а потоа во Бугарија.
- Секако, главен организатор, а воедно и извршител кој со пиштол на 27.11. според досегашните утврдени докази некаде околу 10 часот ја усмртил малолетничката, исплашен од доказите до кои може да дојде полицијата на веќе започнатата веднаш истрага од страна на полицијата, е лицето кое ја напуштило државата непосредно по стореното кривично дело. По него се трага. Можам да ви ветам дека ќе сторам сѐ јас и институцијата, ова лице, или подобро овој монструм, на кое му ја следиме трагата, час поскоро штом стапне на наше тло, да биде изведен пред лицето на правдата, рече министерот.
Спасовски дополни дека за лицето ќе биде издадена меѓународна потерница, а во однос на прашањето дали имаат некакви сознанија дека тој се обидува да пребегне во Русија, тој одговори негативно.
Јавниот обвинител, Гаврил Бубевски, на денешната прес-конференција изјави дека 74 годишниот Панче Жежовски од Велес е убиен бидејќи му должел 500 евра на еден од осомничените и бил „прометна жртва“ за да се земе возилото со кое потоа е киднапирана Вања.
- Мотивот за убиството на Панче имале должничко-доверителски односи со еден од осомничените. Панче должел 500 евра на еден од осомничените и така е избран како жртва за да се земеме колата и да се киднапира девојчето, изјави Бубевски.
Според денешните информации, станува збор за група која дејствувала заедно и извршила две кривични дела „грабнување“ и „убиство“.
- За тројца од петмината инволвирани за кои постои сомневање, имаме признание за целокупниот нивен ангажман во настанот и кој за што бил задолжен во ова кривично дело. Од сето ова можеше да се дефинира дека извршиле две кривични дела – грабнување, кои се поврзани со делото користољубие, грабнување заради корист. Имаат извршено и две кривични дела – убиства, со поврзаност на двете дела, со што тоа добива најтешка кривична казна, рече Бубевски.
Останатиот дел од групата се горенаведениот организатор и реализатор на убиствата Љупчо Палевски - Палчо, кој е во бегство, како и таткото на малолетничката, Александар Ѓорчевски, кој, како што рече јавниот обвинител Бубевски, ги негира наводите за неговата инволвираност, а за кој останатите осомничени во своите искази изјавиле дека од него добиле информации за движењето на неговата ќерка.
Љупчо Палевски - Палчо е поранешен градежен бизнисмен и основач на партијата Десна.
На прес-конференцијата, Спасовски рече дека сите осомничени се членови на една политичка партија и дека е извршен претрес во оваа партија.
- Извршен е и претрес во политичката партија Трета, на која ѝ припаѓале и најдени се извесни информации, рече Спасовски.
Ново на Сител
-
Почна Самитот на НАТО
-
Тема на денот со Стефан Андоновски, министер за дигитална трансформација
-
Мали шанси за тет-а-тет средба Мицкоски-Мицотакис, официјална Атина сепак ќе се „жали“ за Преспанскиот договор
-
Почнува Самитот на НАТО во Вашингтон, Украина високо на агендата
-
Нова инвестиција: Вабтек го шири производството - 100 нови вработувања
-
Никој не се чувствува виновен за проневерата од 5 милиони евра за спортските ваучери
-
Затворски казни за обвинетите во „Синџир“ кои затајувале данок
-
Хаос пред ЈСП: Директорот и синдикатите се караа кој е виновен што автобус вчера удри во жардиниера