Балкан
4. May 2017 - 22:02

Китаровиќ: Неопходна е политичка стабилност и консензус

Хрватската претседателка Колинда Грабар Китаровиќ изјави денеска дека без политичка стабилност и консензус на сите политички партии за најважните теми од кои зависи економското и социјалното издигнување на Хрватска, не може да се зборува за напредок на земјата. 

Китаровиќ на конференцијата „Хрватска каква што ни треба - образование, наука и дигитална иднина“, наведе дека, за жал, политичката стабилност е разурната уште минатата недела. 

Хрватската претседателка оцени дека дури по развивањето на политичката стабилност ќе може да се посвети на решавањето на клучните национални проблеми - демографското обновување и реформите во образованието.