Кисела Вода обезбедува финансиска помош за набавка на огревно дрво
Општина Кисела Вода денес распиша јавен повик за субвенционирање на трошоците за огревно дрво за своите жители. Сите граѓани кои ќе купат дрва за огрев во периодот од 1 април 2025 до 31 октомври 2025 година, можат да аплицираат за добивање на поврат на средства, до исцрпување на предвидениот буџет од 1.200.000 денари. Субвенцијата изнесува 500 денари за секој купен метар кубен (m³) дрва, за максимум до 10 м³ или 350 денари за секој купен просторен метар дрва, за максимум до 14 просторни метри.
Право на учество имаат сите жители на Општина Кисела Вода кои ќе достават валидна документација и ќе ги исполнат критериумите. Апликациите се поднесуваат во затворен плик преку Архивата на општината, по принципот „прв дојден – прв услужен“.
Јавниот повик трае до 31 октомври 2025 година или до исцрпување на средствата. Повикот е објавен на веб страната на општината: https://opstinakiselavoda.gov.mk/wp-content/uploads/2025/04/Drva2025.pdf
Информациите се достапни и преку локалните месни заедници. За дополнителни информации, граѓаните можат да се обратат на тел: 02 2785-427
-Континуирано покажуваме дека Општина Кисела Вода вистински се грижи за граѓаните. Затоа повторно обезбедуваме субвенции за огревно дрво, со цел финансиски да им помогнеме на нашите сограѓани кои го користат овој енергенс за загревање. Покрај оваа мерка, ќе ги продолжиме субвенциите за пелети и печки на пелети, за енергетска обнова на фасади, а од годинава субвенции имаме и за пензионери со ниски пензии, како и субвенции за возачки дозволи за сите матуранти. Наскоро ќе излеземе и со нов сет мерки со кои дополнително ќе го олесниме секојдневието на нашите граѓани- изјави градоначалникот Орце Ѓорѓиевски.
Општина Кисела Вода
Ново на Сител
-
Осум лица, меѓу кои четири деца евакуирани од Израел
-
Израел им забрани на граѓаните да ја напуштат земјата со авион
-
За упис на средношколци во дуалното образование 269 дуални паралелки и 6.725 слободни места
-
Исклучен Термоблок 2 во РЕК Битола поради заштитна рекција, поведена е истрага
-
Полицијата ќе врши вежбовно гаѓање со боева муниција на стрелиштето во Охрид
-
Русија: Северна Кореја испраќа 6.000 војници за обнова на Курск
-
Состанокот на Г7 во Кананаскис, заврши со мислење дека Иран не може да се здобие со нуклеарно оружје, но со несогласувања околу декларацијата за Украина
-
Евакуирана првата група македонски државјани од Израел