Кинески ловци „пресретнале“ американски извидувачки авион

Два кинески борбени авиони се нашле во близина на американски авион за извидување над Јужното Кинеско Море.

Авионите на американскиот авион се приближиле на 180 метри.

Американскиот извидувачки авион од типот П3 Орион летал на оддалеченост од 240 километри југоисточно од Хонг Конг, кога му пришле кинески авиони, а еден од нив прелетал под американското летало, намалувајќи му го просторот за маневрирање.

Пентагон потврди дека дошло до пресретнување на авионот, наведувајќи дека тоа било „небезбедно и непрофесионално“ и оти својата загриженост ќе ја пренесат до Пекинг.