Кина воведува здравствен пасош
Кина воведе електронски пасош за своите граѓани што ќе го покаже нивниот здравствен статус кога патуваат во странство или ќе се вратат во земјата, што може да доведе до поголемо отворање на кинеските граници.
Овие здравствени сертификати за меѓународно патување се во форма на апликација за паметен телефон и содржат здравствени податоци на патниците, како што се нивните ковид тестови, ПЦР и за антитела и статусот на вакцинација.
Засега, апликацијата е задолжителна и резервирана само за Кинезите. Таа ќе им обезбеди поголема удобност при патувањето кога ќе се склучат договори за заемно признавање на здравствените сертификати на Кина и други земји, објави агенцијата Ксинхуа.
„Целта на апликацијата е да се промовира обновата на светската економија и да се олесни преминувањето на границите“, соопшти Министерството за надворешни работи.
Во соопштението не се наведени специфичните работи на кои носителите на електронски пасоши имаат право, ниту дали други земји планираат да ги признаат.
САД и Велика Британија планираат да покренат слични системи. Европската комисија ќе ја претстави идејата за „зелен пасош“ во Брисел на 17 март.
Од крајот на март 2020 година, Кина дозволува влез на нејзина територија само на Кинези и ограничен број странци. Исто така, значително ги намали меѓународните летови.
Дозволен е влез само на странски дипломати, бизнисмени или странци кои имаат постојан престој во земјата.
Сите патници по пристигнувањето во земјата треба да одат во карантин, 14 дена во хотел на свој трошок.
Популарно од Свет
Ново на Сител
-
Руско МНР: Европа нема право да учествува во преговорите за Украина
-
Со инвестиција од над една милијарда евра во енергетиката во земјава влегува турската групација „Казанчи Холдинг“
-
Во Белград протест на просветните работници, а студентите од различни градови пешки тргнаа кон Ниш
-
Со помош на изработен лажен клуч, две лица провалиле во стан во Скопје и одзеле 250 евра и накит
-
Кремљ го прифати извинувањето на Вучиќ за гласањето за резолуцијата во ОН
-
Две заторенички физички се пресметале во КП Идризово, едната се здобила со тешки телесни повреди
-
Пријава за „злоупотреба на службена положба и овластување“ за четворица струмичани од Комуналец
-
Таравари најавува законски измени за департизација на здравството
