Кина со предупредување до организаторите на протестите во Хонг Конг: Сите ќе бидете казнети
Централната влада на Кина денеска ги предупреди демонстрантите во Хонг Конг дека не треба да ја потценат „огромната сила на централната власт“.
„Би сакале да им ставиме до знаење на многу мала група бескрупулозни и насилни криминалци и валканите сили што стојат зад нив – оние што играат со оган ќе загинат од оган“, се вели во документот од Канцеларијата за Хонг Конг и Макао, која работи под надзор на кинескиот Кабинет, односно Државниот совет.
„На крајот, само прашање на време е кога организаторите на повеќенеделните протести ќе бидат казнети“, се посочува во документот.
Локалните медиуми коментираат дека реакцијата на Пекинг покажува дека Кина ќе заземе поцврст став кон протестите и дека нема намера да почне дијалог за барањата на демонстрантите за политички реформи.
Демонстрациите кои започнаа пред два месеци поради законот за екстрадиција, кој во меѓувреме беше суспендиран, прераснаа во барања за оставка на првиот човек на Хонг Конг, Кери Лам но и барања за поголема демократија. Протестите, кои започнаа по предлогот со кој се дозволува осомничени злосторници од Хонг Конг да бидат екстрадирани за судење во Кина, претставуваат најголем предизвик со кој се соочуваат кинеските власти од 1997 година , кога Велика Британија го предаде Хонг Конг под кинеска контрола.
Ново на Сител
-
Рано е да се каже дали воениот конфликт меѓу Иран и Израел ќе предизвика ценовен шок, смета бизнисот
-
Градското собрание на Лос Анџелес ќе биде осветлено во боите на македонското знаме во сеќавање на жртвите од трагедијата во Кочани
-
Приведени три лица од Тетово, возеле со брзина поголема од дозволената
-
Приведен скопјанец, возел со 2,57 промили алкохол во крвта и предизвикал сообраќајка
-
Санкционирани 154 непрописно паркирани возила на територијата на Општина Центар
-
Банкомати со високи провизии за подигнување пари има низ целиот хрватски брег
-
Влада: За следната учебна 2025/2026 година ќе се доделат 1570 стипендии за дуалното образование, најголем број досега
-
Гувернер на САД: Уапсен осомничениот за убиството на политичарка и нејзиниот сопруг