Кина: При несреќа во рудник загинаа 17 лица

Најмалку 17 рудари загинаа откако паднал лифтот со кој се превезувале во рудникот, јавија кинеските медиуми. 

Несреќата се случила во четвртокот во рудникот „Донгронг“ во североисточната кинеска провинција Хеилонгјианг. Спасувачките екипи дури синоќа успеале да ги пронајдат телата на загинатите. 

Кинеската полиција притворила двајца заварувачи поради наводно сериозно кршење на безбедносните прописи, а менаџерот на рудникот е суспендиран.