Кина му честиташе на Бајден и повика на единство во меѓусебните односи
Кина денеска му честиташе на американскиот претседател Џо Бајден на преземањето на должноста и повика на „единство“ во односите меѓу двете земји.
– Забележав дека претседателот Бајден постојано инсистираше на зборот „единство“ во својот говор. Мислам дека тоа е токму она што ни треба сега во кинеско-американските односи, изјави за новинарите портпаролката на кинеското Министерство за надворешни работи Хуа Чунинг.
Односите меѓу Кина и САД паднаа на најниско ниво во времето на претседателот Доналд Трамп, кој водеше трговска и технолошка војна со тој азиски гигант.
Портпаролката оцени дека Кина и САД треба да бидат храбри и мудри за да соработуваат.
– Тоа е обврска на Кина и САД, како две големи нации, но и меѓународната заедница се надева на тоа. Ако двете страни соработуваат, добронамерните ангели ќе надвладеат над злите сили во кинеско-американските односи, рече таа.
Хуа го поздрави враќањето на САД во Парискиот договор за клима и во Светската здравствена организација.
Ново на Сител
-
Најмногу дожд во Берово
-
Прегласување на седум избирачки места во петтата и шестата изборна единица во среда
-
Македонските одбојкари поразени и од Чешка во Европската златна лига
-
Црвена ѕвезда ја освои АБА лигата
-
Одбележување на Денот на македонските пожарникари - 20 Мај
-
Во Мексико девет лица загинаа во два напада врз кандидати за локалните избори
-
Ирански државни медиуми: Претседателот Раиси загина во хеликоптерска несреќа
-
Сообраќајот на државните патишта се одвива непречено