Кина изрази поддршка за Северна Кореја

Кинескиот министер за надворешни работи Ванг Ји и севернокорејски официјален претставник изразија целосна поддршка и доверба во врските меѓу нивните земји.

Ова се случи на состанокот во Пекинг, кој се одржа додека другите земји ги осудија последователните ракетни тестови на Пјонгјанг.

„Во услови на комплицирана меѓународна ситуација, Кина и Северна Кореја секогаш меѓусебно се поддржуваа и си веруваа, што ја покажува стратешката важност на пријателската соработка меѓу двете земји“, рече Ванг, соопшти кинеското Министерството за надворешни работи.