Кина го критикуваше извештајот на американската администрација
Кина денеска го критикуваше извештајот на администрацијата на американскиот претседател Доналд Трамп, каде Пекинг е оквалификуван како потенцијален нуклеарен противник, повикувајќи го Вашингтон да го намали неговиот многу голем нуклеарен арсенал, како и да се приклучи кон промовирањето на регионална стабилност.
Кинеското Министерство за одбрана соопшти дека конескиот нукеларен арсенал е на „ниво на минимум“, од потребите за безбедноста.
Министерството истакна дека Кина никогаш нема да биде прва која ќе употреби нуклеарно оружје „под никакви околности“.
Во новата американска нуклеарна стратегија, што беше објавена во петокот, наведено е дека Вашингтон сака да го спречи Пекинг да не донесе погрешен заклучок дека „каква било употреба на нуклерано оружје, па и ограничена, е прифатлива“.
- Кина изразува цврсто спротивставување кон тој извештај, посочи портпаролот на кинеското Министерство за одбрана, Рен Гуодџанг.
Рен изрази очекување дека САД ќе го напуштат „ладно воениот менталитет“ и ќе преземат одговорност за нивната нуклеарна програма.
Како што претходно јави МИА, САД соопштија дека поради загриженоста од растот на нуклеарниот арсенал на Русија, ќе ги прошират сопствените нуклеарни капацитети.
Ново на Сител
-
Неврохирург со амбиција за промени во општеството | Венко Филипче | Неформално | Sitel Podcast 028
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација