Македонија
9. November 2016 - 13:56

Кичевец осомничен за поседување на нелегално оружје

Кривична пријава за 39 годишен кичевец поради постоење основи на сомнение за сторено казнено дело „недозволено изработување, држење, посредување и тргување со оружје или распрскувачки материи“.

Како што соопшти СВР Охрид кон крајот на септември оваа година, при претрес извршен во домот на Р.В., пронајдени се пет куршуми пиштолска муниција калибар 7,62 милиметри, еден куршум за ловен карабин калибар 8,57 милиметри и еден куршум калибар 7,62 милиметри.

-По извршено вештачење во Министерството за внатрешни работи во Скопје, констатирано е дека петте куршуми калибар 7,62 милиметри се пиштолска муниција наменета за полуавтоматски пиштоли како и други модели на автоматски огнени оружја, куршумот со калибар 8,57 милиметри е муниција наменета за испалување од огнено оружје-ловен карабин додека куршумот со калибар 7,62 милиметри е муниција наменета за испалување од огнени оружја пушки и митролези, изјави портпаролот на СВР Охрид Стефан Димоски.