КХВ на заедничка маса со берзанската индустрија
Претседателката на Комисијата за хартии од вредност на Република Македонија Нора Алити заедно со четворицата Комисионери организираа работна средба со брокерската и со фондовската индустрија.
Оваа средба беше платформа за размена на ставови помеѓу Комисијата за хартии од вредност на Република Македонија како регулатор на пазарот на капитал и првите луѓе на Македонската берза АД Скопје, Центалниот депозитар за хартии од вредност АД Скопје, овластените банки, брокерските куќи и друштвата за управување со инвестициски фондови за тоа како Република Македонија да има стабилен, регулиран, ефикасен и високо развиен пазар на хартии од вредност, согласно релевантните ЕУ директиви.
Фокусот беше ставен на приоритетите и целите за раст и развој на македонскиот пазар за хартии од вредност, на кои заеднички во наредниот период ќе треба сите повикани субјекти да преземат активности и да работат на нивната имплементација. Се дискутираше за основните фактори и пречки за унапредување и развој на примарниот и на секундарниот пазар на хартии од вредност, за мерките и активностите кои треба да бидат преземени од Комисијата за хартии од вредност на РМ за да се унапреди работењето на Друштвата за управување со инвестициски фондови и за тоа дали одредена регулатива или нејзин дел, која е во надлежност на Комисијата претставува проблем или пречка во остварување на полниот капацитет на предметот на работењето ДУИФ.
Беа отворени и актуелни прашања поврзани со системските предизвици, со престојната нова законска регулатива и супервизијата на пазарот на капитал, како и прашања кои произлегуваат од натамошните чекори во однос на процесот на европската интеграција на Република Македонија.
Ново на Сител
-
Во Скопје санкционирани 64 возачи
-
Тедрос: Вакцини за БиХ штом ги исполнат условите на Фајзер
-
Филипче: Здравствените работници покажаа истрајност, професионалност и патриотизам на највисоко ниво
-
ВМРО-ДПМНЕ: Дали Мијалков за два месеци ќе биде на слобода, тоа ли е договорот Заев - Мијалков?
-
СДСМ: Правдата се случува, заврши времето на недопирливите за законот
-
Повеќе родени и умрени, а помалку бракови и разводи во последниот квартал лани
-
ВМРО-ДПМНЕ: На прагот на март во Македонија нема ни една вакцина, одговорност мора да има
-
Вкупно 55 години затвор за масовното нелегално прислушување