Кавадарци го одбележува Европскиот ден за борба против трговија со луѓе
Кавадарци со низа активности го одбележува утрешниот Европски ден за борба против трговија со луѓе. Настаните се реализираат од кавадаречкиот Црвен крст и Полициската станица од општа надлежност.
– Денеска во просториите на Црвен крст се одржа едукативна работилница на оваа тема, за околу 40 ученици од трите средни училишта во Кавадарци. Ги запознавме со поимот трговија со луѓе, корените и причините за таа појава, најчестите жртви и последиците од овој вид на организиран криминал. Во светот годишно околу два милиони и петстотини илјади лица се жртви на трговија со луѓе, од кои половината се деца, рече Димитар Каракулев, инспектор за превенција и претседател на Општинската организација на Црвен крст.
Утре, на градскиот плоштад, од страна на овие ученици ќе бидат поделени едукативни флаери на тема спречување на трговија со луѓе. Ќе бидат испишани пораки до младите луѓе во заедницата и показно, со пантомима на оваа тематика и други активности, ќе се одбележи овој датум.
Ново на Сител
-
Апсења на аеродромот во Скопје и на границата „Деве Баир“
-
Димовски: Потребна ни е сплотеност и единство за опстојување и сочувување на македонската држава
-
Возач загина откако удрил со возило во надворешната капија на Белата куќа
-
Тешка сообраќајка на патот Дебар-Маврово, двајца повредени
-
Сообраќајот непречено по наместа влажни коловози
-
Бернар Арно прв на листата на најбогати луѓе во светот, Маск на третото место
-
Драма во Кавадарци: 18-годишник нападнал полицајци кои се обидувале да приведат побегнат затвореник
-
Меси се запиша во историјата на МЛС лигата – Гол и пет асистенции