„Катимерини“: Ципрас треба да одлучи за датум за предвремени избори
Грчкиот премиер Алексис Ципрас се чини дека одлучил оти во Грција треба да се одржат предвремени избори, но се уште не донел одлука кога, пишува „Катимерини“ повикувајќи се на свои извори.
Според весникот, Ципрас слуша совети од колеги во Владата кои препорачуваат изборите да се одржат во септември, како и од оние кои се за тоа предвремените избори да не се организираат пред октомври.
„Катимерини“ дознава дека една група советници му велат на премиерот да реагира брзо и да свика избори на 20 или најдоцна на 27 септември, за да може Владата да ја надмине внатрешната поделеност и несогласувања што се појавија во Сириза.
Другата група го советува Ципрас да не смета на избори пред 11 октомври со што Владата ќе има шанса да го спроведе новиот договор за финансиска помош со кредиторите, да изгради доверба со нив, а можеби и да заврши првата проценка на приспособување на земјата кон програмата.
- Јасно е дека има прашања со кои треба да се справиме. Ние не го негираме тоа, изјави владиниот портпарол Олга Геровасили.
- Tоа се прашања кои се поврзани со стабилноста на Владата и до кој степен е во позиција да обезбеди парламентарниот и владиниот процес да течат без проблеми, додаде таа.
Геровасили, исто така, ја нападна Левата платформа на Сириза откако нејзиниот лидер, поранешниот министер за енергетика Панајотис Лафазанис, ја обвини Владата за сомнително однесување во донесувањето на новиот меморандум за разбирање со кредиторите и рече дека предлозите за „експресни избори се одраз на недемократски став“.
Портпаролката обвини Лефата платформа дека одлучила да ја „симне од власт Владата на левицата“.
Ново на Сител
-
Шекеринска за Хина: НАТО нема да отстапи од поддршката за Украина
-
Над 150 милиони евра од унгарскиот кредит префрлени кај бизнисот, во четврток состанок со општините за договорите од вториот повик
-
УХМР: Попладне утре наместа нестабилно, многу топло во среда и четврток, посвежо и ветровито в петок
-
1711 сообраќајни прекршоци изминатиов викенд, најмногу за брзо возење
-
Малолетник од Куманово затекнат при обид да запали кабли
-
Ирска: Започна ископување на масовна гробница со останки од 800 бебиња
-
Мицкоски: Не ветуваме чуда, туку градиме систем базиран на правда, а не на партиски книшки
-
Тројца возачи кои возеле под дејство на алкохол се приведени