Катица Јанева со ново писмо од притвор поднесе оставка

Специјалната обвинителка Катица Јанева со ново писмо од затворот Скопје го известила Советот на јавни обвинители дека ја активира условената оставка поднесена на 15 јули, дознава Сител..
Од Советот на јавни обвинители неофицијално соопштуваат дека знаат за поднесената оставка, но официјална потврда нема бидејќи писмото било испратено доцна попладнево.
Оставката која Јанева ја напишала рачно, доаѓа во ист ден со одлуката на Комисијата за избори именувања која едногласно реши да му предложи на Собранието да ја разреши.
Јанева и вчера напиша писмо со кое побара СЈО да му ги предаде сите предмети на Јавното обвинителство.
Во јули на денот на апсењето на Боки 13 Јанева поднесе одложена односно условена оставка, најавувајќи дека ќе се повлече штом партиите изберат нов специјален обвинител.
Од Советот на обвинители велат дека независно дали Јанева поднела оставка собранието ќе мора да гласа за нејзино разрешување бидејќи таква е процедурата пропишана со закон.
Ново на Сител
-
Дејвис куп: Македонија стартуваше со максимални 3:0 против Малта
-
Пониква станува рехабилитациски центар за повредените од трагедијата во Кочани
-
Маринците пристигнаа во Лос Анџелес, но сè уште немаат наредба да интервенираат
-
Бројот на жртвите од масакрот во Грац се искачи на 11
-
Црвениот тепих од Канскиот фестивал се продава по едно евро за килограм
-
Витаминот Д може да спречи 30.000 смртни случаи од рак годишно, покажуваат истражувања
-
Тежина, звук и дамка: Клуч за избор на совршена лубеница
-
ЈСП Скопје: Средношколците имаат право на бесплатен јавен превоз за време на летниот распуст