Катар воведува нови мерки за борба со тероризмот
Емирот на Катар шеикот Тамим бин Хамад ал Тани синоќа издаде указ со што се воведуваат промени во законот за борба со тероризмот, јави ДПА.
Указот содржи дефиниции за концептите на тероризмот, криминалот, терористички акти, терористички организации, како и положба за замрзнување на средства наменети за борба со финансирањето на тероризмот.
Документот предвидува и создавање на два нови национални листи на терористи и терористички организации, како и постапка за вклучување во овие листи и за оспорување на одлуката за тоа.
На 5 јули Саудиска Арабија, Обединетите Арапски Емирати, Бахреин и Египет соопштија дека ги прекинуваат дипломатските односи со Катар, обвинувајќи го за поддршка на тероризмот.
Тие наложија економски санкции и транспортна блокада за Катар и му поставија 13 услови за нормализирање на односите што и ги предадоа на Доха со посредништво на Кувајт.
Четирите земји се уште немаат добиено официјален потврден одговор.
Во текот на последните две недели неколкумина европски дипломати го посетија Заливот, обидувајќи се да помогнат за решавање на конфликтот, но не беше постигнат успех.
Синоќа, на прес-конференција катарскиот министер за внатрешни работи шеикот Абдула Бин Насер Бин Калифа ал Тани наведе дека има докази оти кибер-нападите врз катарската информативна агенција, сметани за причина за прекинување на односите, дошле од Обединетите Арапски Емирати и биле планирани уште во април.
Ново на Сител
-
Во Брисел почна трилатерален состанок на делагациите од Белград, ЕУ и од Приштина
-
Радовишанец во повеќе наврати извршил обљува врз малолетничка
-
Врховен го укина притворот на таткото на Вања, определи куќен притвор и мерка на претпазливост
-
Грчки медиуми: Голема победа на опозициската ВМРО-ДПМНЕ
-
Во Тетово прегазен малолетен пешак
-
Утре и во сабота дожд, потоа стабилизирање на времето
-
СЗО за консумирање алкохол и електронски цигари кај адолесцентите: Состојбата е алармантна
-
Белгиски медиуми: Македонија оди во втор круг гласање од кој и зависи европската иднина