Кардиналите во Ватикан разговараа за голем број прашања, вклучувајќи ја и сексуалната злоупотреба во црквата
Кардиналите, кои се собраа денеска во Ватикан, се осврнаа на голем број прашања, вклучувајќи ја и сексуалната злоупотреба во црквата, јавија светските агенции.
Тие разговараа за предизвиците што го очекуваат наследникот на папата Франциск, соопшти Светата столица.
„Говорите се однесуваа на прашања од особено значење за иднината на црквата – односите со современиот свет, евангелизацијата, односите со другите вери, прашањето за сексуалната злоупотреба“, се вели во соопштението на Светата столица.
Во текстот се вели дека било дискутирано и прашањето за квалитетите што новиот папа мора да ги поседува за ефикасно да одговори на овие предизвици.
До датумот на конклавата, кој е 7 мај, кардиналите ќе се состануваат секој ден, освен на 1 и 4 мај, се вели во соопштението. Состаноците ќе започнуваат во 9 часот наутро по локално време.
Ново на Сител
-
Апсења во случај на корупција во кој е вклучена агенција на НАТО
-
Таравари: Јас поднесувам оставка, другите ќе бидат разрешени
-
Зеленски рече дека е подготвен за каков било формат за преговори за ставање крај на војната
-
Пратениците донесоа повеќе закони, долга дискусија по измените на Законот за Инспекторат за употреба на јазиците
-
Приведен 33 годишник од Битола, при претрес на неговиот дом пронајдени се дрога и воздушна пушка
-
Студентите од Правниот факултет во Ниш поднесоа кривична пријава против Вучиќ поради посетата на пациенти од Кочани во УКЦС
-
Почна протестот на семејството на Фросина Кулакова која загина во сообраќајка на „Партизанска“
-
Обвинителството бара замена на мерката „притвор“ со „куќен притвор“ за поранешен министер за економија и државен секретар за трагедијата во Кочани