Каракачанов: Бугарија нема да направи отстапки кон Македонија
Во Скопје некој си замислува дека Бугарија ќе направи отстапки поради братски чувства и солидарност. Тие сметаат и дека некој однадвор ќе изврши притисок врз Бугарија. Сепак, ова нема да се случи, изјави бугарскиот министер за одбрана и лидер на партијата ВМРО, Красимир Каракачанов.
Според него, незамисливо е бугарското Собрание да гласа за отстапки и едно такво отстапување од позицијата на Бугарија не би поминало во ниту еден парламентарен состав.
– Ќе видиме што ќе се случи за една недела. Изборот дали ќе бидат дел од ЕУ е нивен. Нема да станат членки на Европската унија со коминтерновско удирање по маса, изјави Каракачанов за бугарската телевизија БТВ.
Тој смета дека Договорот за добрососедство меѓу Бугарија и Македонија е „доволно добар, но само доколку се почитува“.
– Една година по неговото потпишување тој веќе не се почитува, изјави Каракачанов, додавајќи дека склучувањето на Договорот било услов за прием на земјава во НАТО, а неговото почитување е услов за членство во ЕУ.
Каракачанов тврди дека нема дипломатски притисок врз Бугарија од страна Германија, а што се однесува до САД тој таму „ја објаснил генезата на балканските проблеми, повикувајќи се на американски извори“.
– Пријателството е пријателство, братството е братство, но договорите и доброто однесување мора да се почитуваат. Не сакаме да одиме низ Капали чаршија и да се расправаме чиј е Гоце Делчев, изјави Каракачанов, инсистирајќи на тоа дека Бугарија и бугарскиот народ мора да го бранат националниот интерес.
Тој вели дека Бугарија „не ги принудува Скопје и Македонците да се откажат од својот национален идентитет, но треба да бидат така добри и да го создаваат според фактите дека тој е создаден со оган и меч по 1944 година“.
– До 44-та година историјата е заедничка историја на еден народ. Имаме заедничка историја со Отоманската Империја, со Византија, со ерменскиот народ, но не и со Македонците, додава Каракачанов.
Едно „потклекнување“ пред Скопје сега, би значело проблеми за во иднина, кои би вклучувале и барања за изучување на „измислениот македонски јазик во Ќустендил со тек на времето“.
Ново на Сител
-
Демант: Македонската полиција гарантира безбедно чествување на 4 февруари, класична лага е дека ќе доаѓале бугарски полицајци
-
Спасовски: На 4-ти февруари да покажеме национално единство и да не потпаднеме на пропагандата
-
Франција конфискува иранско оружје и противтенковски ракети наменети за Јемен
-
Во пожар во куќа во Велес изгоре просторија од третиот кат и кровот, нема повредени
-
Бугарски бизнисмен испрати пакети со прехранбени продукти за подобро здравје на Пендиков | ФОТО
-
Андонов: Субвенционирана струја побараа уште 21 прехранбена компанија, 17 училишта и три комунални претпријатрија
-
Стечајните управници со лиценци до 64 години ќе преполагаат
-
Левица: Партиски членови повикани на „информативен разговор“