Карачиќ: Нападот ни беше добар, но одбраната не функционираше

Ракометарите на европскиот првак Вардар со нерешен резултат на домашен терен 31:31 против Висла го завршија настапот во групата . „Црвено-црните“ одиграа тежок натпревар, а противникот во најголем дел од дуелот имаше водство. Вардар за првпат поведе во 38.минута, а предноста од три голови не можеа да ја сочуваат. Во последниот напад Стоилов, не успеа да реализира за триумф на својата екипа.

 

Игор Карачиќ имаше забележителен настап и постигна шест голови.

 

- Мора да кажам дека некако сите се навикнавме на секој натпревар нашите голмани да имаат 15-16 одбрани и тогаш е лесно да се победи. Денеска не беше така и затоа и вака заврши натпреварот. Нападот ни беше добар и ефикасен, но одбраната не беше како што треба. Што да се каже добро е што сме први во групата и што ќе можеме да „одмориме“ до четвртфиналето. Очекувам нашиот тренер во следниот период, како што беше тоа лани преку „мини подготовки“ да ја подигне формата на екипата за четвртфиналето. Сега не очекуваат и дуелите од СЕХА лигата што ќе ни овозможи да тренираме и да играме натпревари.

За денешниот ривал Висла, која пред две кола загуби минимално од Барселона, а водеше и во поголемиот дел од дуелот со РНЛ, карачиќ истакна:

- Висла е солиден состав, кој одигра добро и денеска како и на претходните дуели. Тоа е екипа што има одлични шутери, кои денеска имаа добар настап.ж

Вардар со оваа победа го потврди првото место во групата и директниот пласман во четвртфиналето, додека Висла и покрај освоениот бод остана без пласман во осминафиналето бидејќи Кристијанстад победи на гостувањето кај Загреб и има бод повеќе.