Свет
14. March 2016 - 9:49

Канзас: Пет вагони излетаа од шините, има повредени

Пет вагони на патнички воз со околу 130 патници утрово излетаа од шини во американската сојузна држава Канзас, при што повеќемина се повредени, соопшти локалната полиција. 

Во соопштението на железничката компанија „Амтрак“ се наведува дека кратко по полноќ по локалното време во Канзас, во близина ка Доџ Сити излетале неколку вагони на возот на линијата Лос Анџелес - Чикаго, пренесува Си-Би-Ес. 

Во возот, во моментот на несреќата се наоѓале 128 патници и 14 членови на екипажот, а сите повредени се вон животна опасност. 

На самото место се службите, а истрагата за инцидентот е во тек.