Кампања „16 дена активизам против родово насилство“
Во Собранието вечер ќе биде означен почетокот на кампањата „Шестнаест дена активизам против родово насилство“, во организација на Обединетите нации, а во соработка со институциите во Македонија.
ОН и Собранието, како домаќин соработуваат во меѓународната кампања „Шестнаесет дена активизам против родово насилство“ за подигнување на свеста на меѓународно ниво, со цел да се раздвижат активностите за да се стави крај на насилството врз жените и девојчињата во светот.
Со одбележување на почетокот на кампањата всушност се најавува и утрешниот ден 25 ноември, Меѓународниот ден за елиминација на насилството врз жените.
По отворањето зградата на Собранието ќе биде осветлена во портокалова боја, која е обележје на оваа кампања, што се одржува на глобално ниво.
Во текот на овие 16 дена активизам ќе се одржат бројни активности како поддршка од јавни личности од различни сфери, можност сите да постираат свои пораки против насилството за да ја покажат својата поддршка на социјалните медиуми, како и низа дебати и работилници ширум земјата.
Најавени се обраќања на премиерот Зоран Заев, претседателот на Собранието Талат Џафери, министерката за труд и социјална политика Мила Царовска и постојаната координаторка на ОН во Македонија, Луиза Винтон.
Ново на Сител
-
Се запали казино во Охрид | ВИДЕО
-
Мицкоски: Скандалозно е вицепремиер да бара од компании да гласаат за СДСМ бидејќи добиле државна помош
-
Кошаркарот од Ѓорче кој ветува промени | Владо Мисајловски | Неформално | Sitel Podcast 033
-
Се дистрибуира доверливиот избирачки материјал од битолската печатница до општинските изборни комисии
-
Ограбена спортска обложувалница на Бит Пазар
-
Повеќе од 30 украински медиумски работници се наоѓаат во руско заробеништво
-
Приведени две лица во Куманово - еден за употреба, друг за продавање дрога
-
Сопружници завршиле во притвор поради меѓусебна пресметка