Јувентус по четиринаесетти пат го освои Купот на Италија

 Тимот на Јувентус синоќа ја победи Аталанта со 2:1 во финалето на Купот на Италија одиграно во Реџо Емилија.

Во 31. минута Дејан Кулушевски му донесе предност на Јувентус. Руслан Малиновски го изедначи резултатот во 41. минута. „Старата дама“ победата ја обезбеди со голот на  Федерико Киеза во 73.минута.

Јувентус го освои Купот на Италија по 14-ти пат во својата историја. Клубот е најтрофеен во ова натпреварување.

На второто место е Рома со девет трофеи. Третото место го делат Интер и Лацио, кои седум пати го освојуваа Купот на земјата.