Јункер. САД не можат толку едноставно да се повлечат од Париската спогодба за климата
Претседателот на Европската комисија Жан Клод Јункер го предупреди американскиот претседател Доналд Трамп да не ги повлекува САД од Париската спогодба за климата, јави ДПА.
Во Берлин на дебата за иднината на Европа, Јункер изјави дека Американците не можат едноставно да ја напуштат спогодбата и оти за тоа би биле потребни години.
- Ако во следните часови или денови американскиот претседател каже дека сака САД да се повлечат од Париската спогодба, Европа е должна да каже: Не е во ред вака да се постапува, нагласи претседателот на ЕК.
Трамп изјави дека оваа одлука ќе ја објави денеска попладне.
Јункер нагласи дека климатските промени ставаат во ризик 83 држави да исчезнат од мапата на светот, поради зголемувањето на нивото на морињата.
- Не станува збор само зa иднината на луѓето во Европа, туку и за иднината на целото човештво, посочи претседателот на ЕК.
Тој го предупреди американскиот претседател дека не може да биде толку лесно, како што тој мисли, да се повлече од договорот. Де фактo на Вашингтон му требаат три до четири години да се повлече од спогодбата, рече Јункер и посочи дека идејата САД „едноставно да исчезнат“ од зделката е погрешна.
Ново на Сител
-
ЈСП Скопје: Можни се технички проблеми при валидирање со телефон или апликацијата „Скопска“
-
Ангелов: Би работел за СДСМ но за плата од 5000 евра
-
МЗШВ: Лозарите добиваат гарантирана откупна цена на винското грозје
-
Македонија и 11 членки на НАТО ја зајакнуваат соработката за обука на воени пилоти
-
ССМ на 2 април на протест поради одлуката на Врховниот суд, ќе протестира и на 1 мај
-
Полицајци спроведуваат политичка кампања, училиште претворено во штаб на ДУИ
-
Приведено уште едно лице за убиството на докторот во Железара
-
Вработените во здравството најавуваат протест на 8 април