Јовески: Итно ни е потребен квалитетен закон за Јавно обвинителство

Не само заради Европа, туку и заради нас самите, итно ни е потребен квалитетен закон за Јавно обвинителство,  порача првиот човек на Јавното обвинителство Љубомир Јовески.

Во новогодишното обраќање Јовески оцени дека 2019та е година во која на политичарите им стана јасно дека никој не е над законот и дека јавнообвинителските одлуки не се носат во нечии канцеларии.

Во оваа насока им даде поддршка на јавните обвинители и во иднина да работат самостојно и без притисоци. 

Јовески оцени дека најголемиот предизвик за неговата институција оваа година беше превземањето на предметите на СЈО но дека успеале да докажат дека имаат капацитет да  раководат и со овие предмети.