Јовановски: ВМРО-ДПМНЕ инсистира да се одржат предвремени парламентарни избори
ВМРО-ДПМНЕ инсистира да се одржат нови предвремени парламентарни избори, рече денеска на прес-конференција Крсте Јовановски.
Според него, граѓаните ја прочитаа перфидната политика на СДСМ и се чувствуваат измамени. Затоа се помасовно излегуваат на улиците во градовите низ Македонија. СДСМ, пак, бега и се плаши од распишување локални избори, знае дека народот жестоко ќе ги казни.
- Гласот на народот мора да се слушне. Зоран Заев треба пред граѓаните да излезе со тиранската платформа што сака да ја реализира, наместо да им ја подметнува пост изборно како кукавичко јајце. Во спротивно револтот ќе расте и секој ден се повеќе и повеќе граѓани ќе го изразуваат својот гнев од антидржавниот и сервилен однос на аболицираниот криминалец Зоран Заев, истакна Јовановски.
Тој уште еднаш нагласи дека т.н. тиранската платформа е против уставна и нејзиното прифаќање, како што додаде, ја втурнува Македонија во процес на федерализација и растурање на државата.
- Тиранската платформа ја разнебитува државата и од мултиетничка ја претвора во бинационална, претставува класична уцена и со неа се поткопува и руши уставниот поредок во Република Македонија. ВМРО-ДПМНЕ ја отфрли и остро се спротивставува на нејзиното реализирање, подвлече Јовановски, дополнувајќи дека раководството на СДСМ во целост ја има прифатено платформата што е потврдено и од нејзиниот пратеник Мухамед Зекири.
- Зекири јавно, пред преставник на ДУИ, рече дека СДСМ се согласува со точките од платформата. Затоа целосно се излишни секаков вид натамошни изговори и измислици со кои ќе се обидат да ја релативизираат реалноста, заклучи Крсте Јовановски.
Ново на Сител
-
Обработени 93,30% од гласовите - ВМРО-ДПМНЕ 59, СДСМ 18, Левица 6, ЗНАМ 5 мандати
-
Мицкоски: Поразен е бојкотот на ДУИ, време е да одат со СДСМ во опозиција
-
ДИК: Обработени 90,40% од гласовите - ВМРО-ДПМНЕ 390.345, СДСМ 136.748
-
Ковачевски: На СДСМ му е зададен тежок удар
-
ДИК: Силјановска Давкова со повеќе од двојна предност пред Пендаровски
-
Димитриевски: Повеќе нема да живееме во црно-сив свет, честитам на Силјановска Давкова и ВМРО-ДПМНЕ
-
Силјановска Давкова: Наградата е непроценлива за мене
-
Обработени 82,38% од гласовите - ВМРО-ДПМНЕ 59 мандати, СДСМ 18, Левица 6, ЗНАМ 5 мандати