Тенис
19. February 2017 - 23:12

Јотовски на чекор до главниот турнир во Тунис

Најдобриот македонски тенисер Томислав Јотовски постигна две победи во квалификациите на фјучрсот во Тунис и со уште еден триумф ќе успее да влезе на главниот турнир. Јотовски во првото коло вчера го победи Едуардо Перлата Тело од Мексико со 6-2 и 6-0, а денеска беше подобар од Марвин Спирин од Бразил со 6-0 и 6-4. 

Утре во решавачкиот меч за пласман на главниот турнир ќе игра против Лион Пере од Швајцарија (992.место АТП).
На турнирот во првото коло од квалификациите настапи и Шендрит Деари и беше поразен од Лу Ше од Франција со 4-6; 6-3 и 6-4 во гемови.
Настапот на овој турнир за македонските тенисери претставува подготовка за настапот од Дејвис купот. Македонија во ова натпреварување ќе игра во бугарскиот град Созопол.