Јосиповиќ: Србија ќе мора да го признае независно Косово ако сака да влезе во ЕУ
Поранешниот претседател на Хрватска Иво Јосиповиќ изјави дека односите меѓу Хрватска и Србија се далеку полоши отколку што беа пред неколку години. Во интервју за весникот „Данас“, Јосиповиќ исто така вели дека Србија нема да може да стане членка на Европската унија додека не ја признае независноста на Косово.
- Медиумите, разните навивачи и коментатори, сите тие потпалуваат со нивните изјави. Во двете земји постојат ретроградни процеси и рехабилитирање и славење на поразените про-нацистички сили, изјави Јосиповиќ за „Данас“. Тој не сака да шпекулира дали, во рамките на ова влошување на односите меѓу Белград и Загреб може да се случи Хрватска да го блокира српскиот прием во ЕУ.
Според поранешниот претседател на Хрватска, Европската унија има проект за ширење на Балканот, вклучително и кон Турција и, секако, Косово. Поради тоа, Јосиповиќ вели дека Србија не може да стане членка ако не го признае Косово.
- Влезот на Србија во ЕУ без да го признае Косово ќе значи дека Косово никогаш нема да стане членка на ЕУ. Таквото редуцирање на проектот за градење на обединета Европа е неприфатливо за повеќето сегашни членки на ЕУ, изјави Јосиповиќ.
Ново на Сител
-
Арсенал се надева дека Жоргињо ќе го продолжи договорот
-
„Данас“/Соговорници: Вучиќ покажува дека ја презира работничката класа
-
Земјотрес од четири степени во поширокото подрачје на Лос Анџелес
-
Русија достави резолуција до ОН за забрана на оружјето во вселената
-
При уривање на автопат во јужна Кина загинаа 36 лица
-
Уште пет дена кампања за претседателските и парламентарните избори
-
Советот за човекови права на ОН ќе расправа за состојбата во Северна Македонија
-
Велики четврток - почнуваат велигденските празнувања