Јончевски: Беше исклучително тешко, навивачите нè вратија и победивме
Селекторот на македонската кошаркарска репрезентација, Александар Јончевски даде свој осврт на синоќешната победа (74:71) против Данска остварена по дополнителни пет минути.
– Исклучително тежок натпревар. Имавме проблем да се кренеме. И на самото загревање мислевме дека работата е завршена бидејќи позначаен беше натпреварот против Норвешка кои имаа 2-0 кога дојдоа тука, додека Данска дојде со три порази. Притисокот беше на наша страна и тоа се виде на натпреварот. Погодуваа тешки шутеви што не беше карактеристично за нив на натпреварите од досегашниот циклус. Имавме проблеми под кошевите, но некако успеавме да се вратиме, иако не одеше ништо во наша полза, а тие имаа контрола на играта. Благодарение на навивачите успеавме да се вратиме. Им се заблагодарувам на сите во публиката, тука, во Гевгелија, бев две ипол години и можам да кажам дека денеска публиката беше најжешка, истакна Јончевски.
Ја истакна играта на Американецот со македонски пасош кој е новиот предводник на националниот тим.
– Ти Џеј Шортс претставува играч кој може да креира ситуација од непостоечки шанси. Шутираше, разигруваше, има пет украдени топки и е еден мотор на екипата како што може и да се забележи од неговиот клупски ангажман. Тој е едно скромно момче кој феноменално се вклопи во нашиот тим, потенцира селекторот.
Македонската репрезентација има максимални четири победи на исто толку средби во претквалификациите за Евробаскет 2025.
Ново на Сител
-
Ѓорѓиевски: До април 40 нови камиони за „Комунална хигиена“, до првата половина на годината нови автобуси
-
Уапсен полициски службеник за сторено кривично дело „изнуда“, барал 20.000 евра од оштетеното лице
-
Зеленски ќе разговара со Трамп за територијалните прашања
-
Комисијата за стручен надзор за случајот со починатото новороденче на ГАК констатираше дека реанимациската постапка е спроведена по протокол
-
Костадиновски: Бадентерот е корисен и здрав механизам, но само во политички орган, секаде на друго место создава аномалии
-
Собранието усвои неколку закони
-
Алиу: Големи предизвици во 2025 година во здравствениот систем, во тек се повеќе проекти, а ќе се спроведат и нови во 2026 година
-
Славески: Забележлива тенденција на намалување на банкарските провизии
