Јешиќ ќе го тренира Крсте Велкоски

Поранешниот тренер на белградски Партизан, Миодраг Јешиќ (56) е новиот тренер на фудбалерите на Сараево. Јешиќ ја прифатил понудата на Сараево и го напуштил тимот на Јангон Јунајтед од Мјанмар. Инаку дресот на Сараево го носи Крсте Велкоски кој за Сараево има постигнато два гола во првенството на БиХ.

 

Српскиот тренер по девет месеци работа во Јангон Јунајтед решил да замине иако клубот се наоѓа на чекор до освојување на шампионската титула во националното првенство.

 

„Направивме голем успех, сега повторно сакам да работам во Европа“, порачал Јешиќ, кој на клупата на екипата ќе го има на 3.октомври во градското дерби против Железничар.

 

Јешиќ два пати во кариерата бил тренер на Партизан (1999/2000 и 2006/2007), а во кариерата работел во Обилиќ, ОФК Белград, Славија и ЦСКА од Софија, Литекс, Будуќност...