Јануари 2025 просечно топол месец и многу сув

Согласно мерењата и набљудувањата на метеоролошките станици во земјава, јануари е просечно до топол месец во однос на температурите и просечен до многу сув во однос на врнежите доколку се спореди со многугодишните просечни вредности (1991-2000), информира УХМР.

Месечната температура се движеше од 0,9 во Битола до 5,9 степени во Гевгелија. Споредено со просечните јануарски месечни температури, за триестгодишен период (1991-2020), годинашната беше 1,7 степени над просечната, на ниво на држава. Највисоката максимална температура беше измерена на 25 јануари во Гевгелија и изнесуваше 18,9 степени, а најниската во Берово, на 19 јануари и изнесуваше -12,6 степени.

Во јануари 2025 година месечната сума на врнежи во државата изнесуваше од 6 милиметри во Штип до 81 милиметар во Маврово. Врнежите беа од дожд и снег и позастапени во втората декада од месецот. Максимално дневно количество на врнежи од 32 милиметра беше регистрирано во Маврово на 13-ти во месецот. На Попова Шапка и Маврово беше измерена максимална снежна покривка од 65 сантиметри и 60 сантиметри на 13-ти во месецот.

Споредено со јануарската просечна вредност за многугодишен период (1991-2020), измерената месечна сума на врнежи беше 47 отсто под просечната на ниво на држава.