Јанакиески вратен во притвор без хируршка интервенција

Поранешниот министер за транспорт и врски, Миле Јанакиески се вратил во истражниот затвор во Шутка без да прави операција на срцето, дознава  МКД.мк.

Иако неговите бранители пред неколку дена за дел од медиумите изјавија дека Јанакиески мора итно на операција на срцето, тој по направените испитувања е вратен во затворот.

Директорот на „Шутка“, Есад Рахиќ вели дека состојбата на Јанакиески е стабилна, дека му биле направени испитувања, но не и хируршка интервенција.

Јанакиески штрајкуваше со глад, но по препорака на лекар го прекина штрајкот.

Тој досега три пати беше во притвор во Шутка. Првпат лани на 14 ноември минатата година, еден ден по бегството на Никола Груевски, по налог на Специјалното јавно обвинителство каде е обвинет во пет случаи.