Јан Стојановски освои златен медал на европската олимпијада по физика

Друштвото на физичарите на Република Македонија денеска објавија дека Јан Стојановски денес го освоил првиот ЗЛАТЕН МЕДАЛ за Македонија на 8. Европска олимпијада по физика која од 15 до 19 јули 2024 година се одржува во Кутаиси, Грузија.

„Честитки за Јан за кој ДФРМ не се сомневаше дека ќе го донесе првото историско злато од оваа олимпијада, имајќи ги во предвид неговото знаење од физика како и досегашните освоени награди на олимпијадите по физика: сребрен медал на 7. Европска олимпијада по физика минатата година во Хановер, Германија, бронзениот медал на 53. Меѓународна олимпијада по физика одржана во Токио, Јапонија во 2023 година и златниот медал на 5. Балканска олимпијада по физика одржана во Никозија, Кипар во 2022 година. Од се срце ти го посакуваме и златниот медал на Меѓународната олимпијада по физика која од 21 до 29 јули 2024 година ќе се одржи во Исфахан, Иран!“, велат од таму.