Јагланд: Долг е патот на Косово до Советот на Европа

Генералниот секретар на Советот на Европа Торбјорн Јагланд изјави дека Косово се уште не поднело барање за членство во таа паневропска организација и нагласи дека Советот на Европа нема да направи ништо со што би го загрозило дијалогот меѓу Белград и Приштина.

- Барање за полноправно членство на Косово во СЕ се уште не стасало во Стразбур. Доколку тие се одлучат на ваков чекор, ќе го решаваме согласно процедурата и правилата на СЕ. Дотогаш продолжуваме да се придржуваме до Резолуцијата 1244 на ОН за статусната неутралност на Косово. Ние нема да направиме ништо што би можело да ги загрози дијалогот Белград-Приштина, рече Јагланд, пренесува српски „Нови магазин“.

Генералрниот секретар на СЕ нагласи дека одлуката за прием на Косово ја носат сите 47 земји-членки, со двотретинско мнозинство во Парламентот на СЕ.